തിരുവനന്തപുരം: വിസ്ഡം ഫാമിലി കോൺഫറൻസ് മെയ് 26 ന്. തിരുവനന്തപുരം പുത്തരിക്കണ്ടം മൈതാനിയിൽ വച്ചാണ് പരിപാടി സംഘടിപ്പിക്കുന്നത്. വിസ്ഡം ഇസ്ലാമിക് ഓർഗനൈസേഷൻ സംസ്ഥാന വ്യാപകമായി സംഘടിപ്പിക്കുന്ന പരിപാടിയാണ് ജില്ലാ ഫാമിലി കോൺഫറൻസുകൾ. “വിശ്വാസ വിശുദ്ധി, സംതൃപ്ത കുടുംബം” എന്ന പ്രമേയത്തിലാണ് തിരുവനന്തപുരത്ത് ഫാമിലി കോൺഫറൻസ് നടത്തുന്നത്.
ജില്ലയിലെ വിവിധ യൂണിറ്റുകളിൽ നിന്നുള്ള ആയിരത്തിലധികം കുടുംബങ്ങൾ പരിപാടിയിൽ പങ്കെടുക്കും. രാഷ്ട്രീയ സാമൂഹിക മത രംഗത്തെ പ്രമുഖ വ്യക്തിത്വങ്ങൾ സമ്മേളനത്തിൽ പങ്കെടുക്കുമെന്ന് വിസ്ഡം ജില്ലാ പ്രസിഡന്റ്‌ നസീർ ഷഹീൽ, സെക്രട്ടറി നസീർ മുള്ളിക്കാട് എന്നിവർ അറിയിച്ചു.
ജില്ലാ ഫാമിലി കോൺഫറൻസിന് മുന്നോടിയായി മണ്ഡലം പ്രചാരണ സംഗമങ്ങൾ, ശാഖാ സംഗമങ്ങൾ, പ്രമേയ സമ്മേളനങ്ങൾ, ഏരിയ മീറ്റുകൾ, സിമ്പോസിയങ്ങൾ, ചർച്ചാ സദസ്സുകൾ, കുടുംബ സംഗമങ്ങൾ, അയൽക്കൂട്ടങ്ങൾ, പോസ്റ്റർ പ്രദർശനം, വിദ്യാർഥി സംഗമങ്ങൾ, യുവജന സംഗമങ്ങൾ, വാഹന പ്രചരണം തുടങ്ങിയവ ഉണ്ടാകുമെന്ന് ഭാരവാഹികൾ അറിയിച്ചു.
