മലപ്പുറം: മലപ്പുറത്ത് വൈറൽ ഹെപ്പറ്റൈറ്റിസ് വീണ്ടും പടരുന്നു. മഞ്ഞപിത്തം ബാധിച്ച് ഒരു മരണം കൂടി ഇന്നലെ റിപ്പോർട്ട് ചെയ്തു. പോത്തുകൽ കോടാലിപൊയിൽ സ്വദേശി ഇത്തിക്കൽ സക്കീറാണ് മരിച്ചത്. കോഴിക്കോട്ടെ സ്വകാര്യ ആശുപത്രിയിൽ ചികിത്സയിൽ കഴിയുകയായിരുന്നു. മഞ്ഞപിത്തം കരളിനെ ബാധിച്ചതാണ് മരണകാരണം.
3000ത്തിലധികം കേസുകളുകളാണ് ഇതുവരെ മണലപ്പുറം ജില്ലയിൽ റിപ്പോര്ട്ട് ചെയ്തത്. മാത്രമല്ല, ഈ കേസ് ഉൾപ്പടെ കഴിഞ്ഞ 5 മാസത്തിനിടെ 7 പേരുടെ മരണവും റിപ്പോർട്ട് ചെയ്തു. കഴിഞ്ഞ ദിവസമാണ് ചാലിയാർ സ്വദേശിയായ റെനീഷ് ഹെപ്പറ്റൈറ്റിസ് ബാധിച്ചു മരിച്ചത്. നിലമ്പൂർ മേഖലയിൽ രോഗം ശക്തമാകുന്നതായിട്ടാണ് റിപ്പോർട്ടുകൾ സൂചിപ്പിക്കുന്നത്. ജനുവരി മുതൽ 3184 പേരിലാണ് ഹെപ്പറ്റൈറ്റിസ് രോഗലക്ഷണങ്ങൾ കണ്ടെത്തിയത്. ഇതിൽ 1032 പേരിൽ രോഗം സ്ഥിരീകരിച്ചു.
