തിരുവനന്തപുരം: വര്‍ക്കലയില്‍ 14കാരി സുഹൃത്തിനൊപ്പം കടലില്‍ ചാടി മരിച്ചു. ഇടവ ചെമ്പകത്തിൻമൂട് സ്വദേശി ശ്രേയ ആണ് മരിച്ചത്. ശ്രേയയോടൊപ്പം സുഹൃത്തും കടലിൽ ചാടിയിരുന്നു. മൃതദേഹം കാപ്പിൽപൊഴി ഭാഗത്ത് കണ്ടെത്തി. സുഹൃത്തിനായിയുള്ള തിരച്ചിൽ നടക്കുകയാണ്.
ഉച്ചയ്ക്ക് 12 മണിയോടെയാണ് സംഭവം. ഇടവ വെറ്റകട ബീച്ചിലാണ് പെണ്‍കുട്ടി ചാടിയത്. പെണ്‍കുട്ടി വീട്ടില്‍ നിന്ന് പിണങ്ങി ഇറങ്ങിയതാണെന്ന് പൊലീസ് പറയുന്നു. അതെ സമയം സ്കൂൾ യൂണിഫോമിലായിരുന്നു വിദ്യാർത്ഥിനി.
ശ്രേയയും സുഹൃത്തും കരയില്‍ നില്‍ക്കുന്നതും തുടർന്ന് കടലിലേക്ക് ചാടുന്നതും മത്സ്യത്തൊഴിലാളികള്‍ ആണ് കണ്ടത്. ഉടൻ തന്നെ ഇവർ അയിരൂര്‍ പൊലീസിനെയും അഗ്നിശമനസേനയെയും വിവരം അറിയിക്കുകയായിരുന്നു. തുടർന്ന് നടത്തിയ പരിശോധനയിലാണ് പെൺകുട്ടിയുടെ മൃതദേഹം കാപ്പിൽ പൊഴിതീരത്തുനിന്ന് ലഭിച്ചത്. മൃതദേഹം പാരിപ്പള്ളി മെഡിക്കൽ കോളജ് ആശുപത്രിയിലേക്ക് മാറ്റി.
