തിരുവനന്തപുരം: സംസ്ഥാനത്ത് വിവാദമായിക്കൊണ്ടിരിക്കുന്ന ബാർ കോഴ ആരോപണത്തിൽ പ്രതികരണവുമായി ബി ജെ പി സംസ്ഥാന അധ്യക്ഷൻ കെ സുരേന്ദ്രൻ രംഗത്ത്. യുഡിഎഫ് കാലത്ത് നടന്ന ബര്കോഴയുടെ തനിയാവര്ത്തനമാണ് ഇപ്പോഴും നടന്നതെന്ന് കെ സുരേന്ദ്രൻ ആരോപിച്ചു.
സംഭവത്തിൽ കേന്ദ്ര ഏജന്സിയുടെ അന്വേഷണം വേണമെന്നും മുഖ്യമന്ത്രിയുടെ മൗനം ഞെട്ടിക്കുന്നതാണെന്നും സുരേന്ദ്രൻ പറഞ്ഞു. മന്ത്രിസഭ അറിഞ്ഞു കൊണ്ടാണോ ടൂറിസം എക്സൈസ് വകുപ്പുകൾ യോഗം ചേർന്നതെന്ന് വ്യക്തമാക്കണമെന്നും സര്ക്കാര് മദ്യനയത്തില് മാറ്റം തീരുമാനിച്ചോ ഇല്ലയോ എന്ന് വ്യക്തത വരുത്തേണ്ടത് മുഖ്യമന്ത്രിയാണെന്നും സുരേന്ദ്രൻ ആവശ്യപ്പെട്ടു.
