കോഴിക്കോട്: പന്തീരാങ്കാവ് ഗാർഹിക പീഡനക്കേസിൽ പ്രതിയുടെ അമ്മയും സഹോദരിയും സമർപ്പിച്ച മുൻകൂർ ജാമ്യാപേക്ഷ പരിഗണിച്ച് കോടതി. മുഖ്യപ്രതി രാഹുലിൻ്റെ അമ്മ ഉഷാകുമാരിക്കും സഹോദരി കാർത്തികക്കും കോടതി ജാമ്യം അനുവദിച്ചു. കോഴിക്കോട് ജില്ലാ സെഷൻസ് കോടതിയാണ് ഇരുവരുടെയും ഹർജി പരിഗണിച്ചത്.
അന്വേഷണ ഉദ്യോഗസ്ഥന് മുമ്പില് കേസുമായി ബന്ധപ്പെട്ട് ചോദ്യം ചെയ്യലിന് ഹാജരാകണമെന്ന് ഇരുവര്ക്കും കോടതില് നിര്ദ്ദേശം നല്കി. കേസിൽ രണ്ട്, മൂന്ന് പ്രതികളാണ് ഇരുവരും. അറസ്റ്റ് രേഖപ്പെടുത്തിയാൽ സ്റ്റേഷൻ ജാമ്യത്തിൽ തന്നെ വിട്ടയക്കണം എന്നും കോടതി നിർദേശിച്ചു. അതെ സമയം രാജ്യംവിട്ട രാഹുലിനെ വിദേശത്തുനിന്ന് നാട്ടിലേക്ക് എത്തിക്കാനുള്ള നടപടികൾ പുരോഗമിക്കുകയാണ്. ഗാർഹിക പീഡനത്തിനിരയായ യുവതി കോഴിക്കോട് ജുഡീഷ്യല് ഒന്നാം ക്ലാസ് മജിസ്ട്രേറ്റിന് മുന്നില് കഴിഞ്ഞ ദിവസം രഹസ്യമൊഴി നല്കിയിരുന്നു.
