തിരുവനന്തപുരം:ഐ എൻ എൽ സംസ്ഥാന പ്രസിഡന്റും മുൻ മന്ത്രിയുമായ അഹമ്മദ് ദേവർകോവിൽ മുസ്ലിം ലീഗിലേക്കെന്ന വാർത്തക്കു പിന്നിൽ ലീഗിന്റെ ദിവാസ്വപ്നമാണെന്നും സ്വപ്നം കാണാൻ എല്ലാവർക്കും അവകാശമുണ്ടെന്നും ലോക്സഭാ ഫലം വരാനിരിക്കെ മുസ്ലിംലീഗിന്റെ പരാജയഭീതി മറയ്ക്കാൻ ലീഗിന്റെ പിത്തലാട്ടമായി മാത്രം ഇതിനെ കണ്ടാൽ മതിയെന്നും ഐ എൻ എല്ലിൽ നിന്നും ലീഗിലേക്കുള്ളവരുടെ പട്ടിക പി എം എ സലാമോടുകൂടി അവസാനിച്ചെന്നും ഐ എൻ എൽ സംസ്ഥാന സെക്രട്ടറി അഡ്വ. ജെ. തംറൂഖ് അഭിപ്രായപ്പെട്ടു.ഐ എൻ എൽ തിരുവനന്തപുരം മേഖലാ കൺവെൻഷൻ ഉൽഘാടനം ചെയ്തു സംസാരിക്കുകയായിരുന്നു അദ്ദേഹം.
മേഖലാ പ്രസിഡന്റ്‌ താജുദീൻ ബീമാപ്പള്ളി അധ്യക്ഷത വഹിച്ചു. ജില്ലാ വർക്കിങ് പ്രസിഡന്റ്‌ എം ബഷറുള്ള, ഓർഗനൈസിങ് സെക്രട്ടറി സബീർ തൊളിക്കുഴി, വൈസ് പ്രസിഡന്റ്‌ ഹിദായത്ത് ബീമാപ്പള്ളി സെക്രട്ടറി നസീർ തൊളിക്കോട്, ബുഹാരിമന്നാനി, യൂത്ത് ലീഗ് ജില്ലാ ജനറൽ സെക്രട്ടറി സജീദ് പാലത്തിങ്കര, വിമൺസ് ലീഗ് സംസ്ഥാന സെക്രട്ടറി നജുമുന്നിസ,മുഹമ്മദ് സജിൽ, കാച്ചാണി അജിത്ത്, വിഴിഞ്ഞം ഹക്കിം, വള്ളക്കടവ് അഫ്സൽ, കബീർ കരമന, നസീർ മൗലവി, അൻഷാദ്, റയീസ് മൗലവി, ഷിയാസ്, അഷ്‌റഫ്‌ അഹമ്മദ്, വി എസ് സുമ, അസിസ് നെടുമങ്ങാട്, വെമ്പായം ഖാദർ തുടങ്ങിയവർ സംസാരിച്ചു.
