തിരുവനന്തപുരം: എക്സിറ്റ് പോൾ ഫലങ്ങളെ പാടെ വിമർശിച്ച് മുതിർന്ന കോൺഗ്രസ് നേതാവ് രമേശ് ചെന്നിത്തല. എക്സിറ്റ് പോളില്‍ വിശ്വാസമില്ലെന്നാണ് രമേശ് ചെന്നിത്തല പറയുന്നത്. കേരളത്തിൽ ബി ജെ പി അക്കൗണ്ട് തുറക്കില്ലെന്നും ഇന്‍ഡ്യ മുന്നണി വിജയിക്കുമെന്നും ചെന്നിത്തല വ്യക്തമാക്കി.
കേരളത്തില്‍ 20ല്‍ 20 സീറ്റും നേടുമെന്നും അതിനുള്ള എല്ലാ സാഹചര്യവും ഒത്തുവന്നിട്ടുണ്ടെന്നും അദ്ദേഹം കൂട്ടിച്ചേർത്തു. മാത്രമല്ല കോണ്‍ഗ്രസ് അധ്യക്ഷന്‍ പറഞ്ഞതുപോലെ 295 സീറ്റ് നേടും.
അതെ സമയം ഇന്നലെ പുറത്തുവന്ന ലോക്‌സഭാ തിരഞ്ഞെടുപ്പിന്റെ എക്സിറ്റ് പോളുകള്‍ ബി ജെ പിക്കാണ് പ്രതീക്ഷ നൽകുന്നത്. അതേസമയം ഫലം വരുമ്പോള്‍ തങ്ങള്‍ വിജയിക്കുമെന്ന പ്രതീക്ഷയില്‍ തന്നെയാണ് ഇന്‍ഡ്യാ മുന്നണി.
