തിരുവനന്തപുരം: ജൂൺ അവസാനം വിഴിഞ്ഞം തുറമുഖത്ത് ട്രയൽ റൺ നടത്താനാകുമെന്ന് തുറമുഖ വകുപ്പ് മന്ത്രി വി എൻ വാസവൻ. വിഴിഞ്ഞം തുറമുഖ പദ്ധതി നിര്മാണം 85 ശതമാനം പൂർത്തിയായെന്നും അദ്ദേഹം പറഞ്ഞു. മാത്രമല്ല ഇന്ന് ഉച്ചയ്ക്ക് ശേഷം പദ്ധതി സംബന്ധിച്ച് അവസാനവട്ട തീരുമാനമെടുക്കുന്നതിനായി ചർച്ച നടക്കുമെന്നും മന്ത്രി അറിയിച്ചു.
വിഴിഞ്ഞം തുറമുഖ നിർമ്മാണ കമ്പനിക്ക് പണം അനുവദിക്കാൻ ഹഡ്കോ മുന്നോട്ട് വച്ച നിബന്ധനകൾ സര്ക്കാര് അംഗീകരിച്ചിരുന്നു. കൂടാതെ തുറമുഖ വകുപ്പും ഫിഷിംഗ് വകുപ്പ് ഉദ്യോഗസ്ഥരും തൊഴിലാളി സംഘടനകളുമായി മൂന്ന് റൗണ്ട് ചർച്ച നടന്നു. നിലവിൽ ഡ്രജിങ്ങ് 98%, പുലിമുട്ട് 81% ബെർത്ത് 92%, യാർഡ് 74% എന്നിങ്ങനെ പണികൾ പൂർത്തിയായി.
