ഡല്ഹി: ഡൽഹി മദ്യനയ അഴിമതി കേസിൽ ജാമ്യം ലഭിച്ച ഡല്ഹി മുഖ്യമന്ത്രി അരവിന്ദ് കെജ്രിവാളിന് വീണ്ടും തിരിച്ചടി. കെജ്രിവാളിന്റെ ജാമ്യത്തിന് സ്റ്റേ വന്നിരിക്കുകയാണ്. ഡൽഹി ഹൈ കോടതിയാണ് സ്റ്റേ വിധിച്ചത്.
ഉത്തരവ് തത്കാലം പ്രാബല്യത്തിൽ വരില്ലെന്ന് ഹൈക്കോടതി അറിയിച്ചു. തിഹാര് ജയിലില്നിന്നു ഇന്ന് പുറത്തിറങ്ങാനിരിക്കേയാണ് ജാമ്യം സ്റ്റേ ചെയ്ത് ഉത്തരവിറക്കിയത്. ജാമ്യ ഉത്തരവിനെതിരായ ഇഡിയുടെ അപ്പീല് പരിഗണിക്കുന്ന സാഹചര്യത്തിലാണ് നടപടി.
ഇന്ന് രാവിലെയാണ് കെജ്രിവാളിന്റെ ജാമ്യം തടയണം എന്നാവശ്യപ്പെട്ട് ഇ ഡി രംഗത്തെത്തിയത്. . കേസില് ഇന്നലെയാണ് ഡല്ഹിയിലെ റൗസ് അവന്യു കോടതി കെജ്രിവാളിന് ജാമ്യം നല്കിയത്.
