തിരുവനന്തപുരം: വ്യാപാരി വ്യവസായി ഏകോപന സമിതി ജില്ലാ സമ്മേളനം കേരള വ്യാപാരി വ്യവസായ ഏകോപന സമിതി സംസ്ഥാന പ്രസിഡന്റ് രാജു അപ്സര ഉദ്ഘാടനം ചെയ്തു. വ്യാപാര ലൈസൻസ് പുതുക്കലുമായി ബന്ധപ്പെട്ട പ്രശ്നങ്ങൾ ഉടൻ പരിഹരിക്കണമെന്ന് രാജു അപ്സര ആവശ്യപ്പെട്ടു. ഹരിത കർമ്മ സേനയുടെ സേവനം ആവശ്യമുള്ള വ്യാപാരികളിൽ നിന്ന് മാത്രം യൂസർഫീ ഈടാക്കുക, ഓൺലൈൻ വഴി ലൈസൻസ് പുതുക്കുമ്പോൾ നേരിടുന്ന സാങ്കേതിക പ്രയാസങ്ങൾ പരിഹരിക്കുക, വർധിപ്പിച്ച വ്യാപാരി ലൈസൻസ് വെട്ടിക്കുറയ്ക്കുക തുടങ്ങിയ ആവശ്യങ്ങൾ സർക്കാർ പരിഗണിക്കണമെന്നും സമ്മേളനം ആവശ്യപ്പെട്ടു.
പുതിയ ഭാരവാഹികളെയും തിരഞ്ഞെടുത്തു. ധനീഷ് ചന്ദ്രനെ പ്രസിഡന്റ് ആയും, ജോഷി ബാബുവിനെ ജനറൽ സെക്രട്ടറിയായും തിരഞ്ഞെടുത്തു. ട്രഷററായി ഷിറാസ് ഖാൻ, വർക്കിംഗ് പ്രസിഡണ്ടായി വെള്ളറട രാജേന്ദ്രൻ, ചെയർമാനായി വൈ വിജയൻ എന്നിവരെയും തെരഞ്ഞെടുത്തു.
