ഡൽഹി: 18-ാം ലോക്സഭയുടെ സ്പീക്കറായി ഓം ബിർലയെ തിരഞ്ഞെടുത്തു. ഓം ബിർലയെ ശബ്ദവോട്ടോടെയാണ് സ്പീക്കറായി തെരഞ്ഞെടുത്തത്. തുടര്ച്ചയായി രണ്ടാം തവണയാണ് അദ്ദേഹം സ്പീക്കറായി തെരഞ്ഞെടുക്കപ്പെടുന്നത്. തിരഞ്ഞെടുപ്പിന് ശേഷം ഓംബിർളയെ പ്രധാനമന്ത്രി നരേന്ദ്രമോദിയും പ്രതിപക്ഷ നേതാവ് രാഹുല്ഗാന്ധിയും പാർലമെന്ററി കാര്യമന്ത്രി കിരൺ റിജ്ജുവും ചേർന്ന് സ്പീക്കർ ചെയ്റിലേക്ക് ആനയിച്ചു.
13 പ്രമേയങ്ങൾ ആണ് ഓം ബിർലയുടെ പേര് നിർദ്ദേശിച്ച് എത്തിയത്. അതെ സമയം പ്രതിപക്ഷം സ്പീക്കര് തെരഞെടുപ്പിന് വോട്ടെടുപ്പ് ആവശ്യപ്പെട്ടില്ല. സഖ്യകക്ഷികളുടെ വികാരം കൂടി പരിഗണിച്ചാണ് വോട്ടെടുപ്പ് ആവശ്യപ്പെടാത്തത് എന്ന് കോൺഗ്രസ് വൃത്തങ്ങൾ അറിയിച്ചു.
