കൊച്ചി: സ്വർണ്ണവിലയിൽ കുതിപ്പ് തുടരുന്നു. തുടര്‍ച്ചയായ രണ്ടാം ദിനവും വര്‍ധനവാണ് വിപണിയിൽ രേഖപ്പെടുത്തിരിക്കുന്നത്. ഒരു പവൻ സ്വർണ്ണത്തിന്റെ വില 53,000 ൽ എത്തി. 80 രൂപയാണ് ഒരു പവൻ സ്വർണ്ണത്തിനു വർധിച്ചത്.
ഇന്ന് ഗ്രാമിന് 10 രൂപ വർധിച്ചു. ഒരു ഗ്രാം സ്വര്‍ണത്തിന്‍റെ ഇന്നത്തെ വില 6625 രൂപയാണ്. 18 കാരറ്റിന്റെ സ്വർണത്തിന് വില ഗ്രാമിന് 5 രൂപ വർധിച്ച് 5510 രൂപയിലെത്തി. കഴിഞ്ഞ മൂന്ന് ദിവസമായി സ്വർണ്ണ വിലയിൽ നേരിയ കുറവ് അനുഭവപ്പെട്ടിരുന്നു. തിങ്കൾ, ബുധൻ, വ്യാഴം ദിവസങ്ങളിലാണ് സ്വർണവിലയിൽ ഇടിവ് രേഖപ്പെടുത്തിയത്. എന്നാൽ ഇന്നലെ ഗ്രാമിന് 40 രൂപയുടെ വർധനയാണ് ഉണ്ടായത്.
