തിരുവനന്തപുരം: ഓൺലൈൻ വഴി കെ എസ് ഇ ബി ബില്ലുകൾ അടയ്ക്കുന്നവരുടെ ശ്രദ്ധയ്ക്ക്. ഇനി മുതൽ അക്ഷയ കേന്ദ്രം, ഫ്രണ്ട്സ് ഇവ വഴി വൈദ്യുതി ബിൽ തുക കെ എസ് ഇ ബി സ്വീകരിക്കില്ല. ഈ മാധ്യമങ്ങൾ വഴി വൈദ്യുതിബിൽ തുക കെ എസ് ഇ ബിയുടെ അക്കൗണ്ടിലെത്താൻ കാലതാമസമുണ്ടാകുന്നുണ്ട്. ഇത് കാരണം ഉപഭോക്താക്കൾ ബുട്ടിമുട്ടുകൾ നേരിടുന്നുണ്ടെന്ന് പരാതികൾ ഉയരുന്നുണ്ട്. ഇത് സംബന്ധിച്ച പരാതികൾ കണക്കിലെടുത്തതാണ് ഈ നടപടി.
ഓൺലൈൻ മാർഗ്ഗങ്ങളിലൂടെയാണ് നിലവിൽ 70 ശതമാനത്തോളം ഉപഭോക്താക്കളും വൈദ്യുതി ബില്ലടയ്ക്കുന്നത്. വൈദ്യുതി ബിൽ അടയ്ക്കാനുള്ള നിരവധി ഓൺലൈൻ മാർഗ്ഗങ്ങൾ കെ എസ് ഇ ബി ഒരുക്കിയിട്ടുണ്ട്. സെക്ഷൻ ഓഫീസിലെ ക്യാഷ് കൗണ്ടർ വഴിയും പണമടയ്ക്കാവുന്നതാണ്.
