തിരുവനന്തപുരം: ഈ വർഷത്തെ ഭരത് ഗോപി പുരസ്കാരം നടൻ സലിംകുമാറിനും, മാനവ സേവ പുരസ്കാരം ഗോകുലം മെഡിക്കൽ കോളേജ് എംഡി ഡോക്ടർ കെ കെ മനോജനും, സ്പെഷ്യൽ ജൂറി പുരസ്കാരം സീരിയൽ താരം കൃഷ്ണേന്ദുവിനും നൽകും.
ഓഗസ്റ്റ് 15ന് ആറ്റിങ്ങലിൽ വച്ച് നടക്കുന്ന ചടങ്ങിൽ ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി ആർ അനിൽ പുരസ്കാരങ്ങൾ സമ്മാനിക്കും.നടൻ ഭരത് ഗോപി തുടക്കം കുറിച്ച മാനവ സേവ വെൽഫെയർ സൊസൈറ്റിയുടെ വാർഷികാഘോഷങ്ങളുടെ ഭാഗമായാണ് പുരസ്കാരങ്ങൾ സമ്മാനിക്കുന്നത്.
