കഴക്കൂട്ടം: വീട്ടമ്മയുടെ 60 ഓളം വളർത്തു കോഴികളെയും താറാവിനെയും തെരുവ് നായ കടിച്ചു കൊന്നു.തുണ്ടത്തിൽ സുഹ്റ മൻസിലിൽ സുബൈദയുടെ വീട്ടിലെ കോഴിയേയും താറാവിനെയുമാണ് തെരുവ് നായ കടിച്ച് കൊന്നത്.ഞായറാഴ്ച വെളുപ്പിന് നാല് മണിയോടെ അഞ്ചലധികം തെരുവ്നായകൾ ചേർന്നാണ് കോഴികളെ കടിച്ച് കൊന്നത്.
രാവിലെ പ്രഭാത നമസ്കാരത്തിന് എഴുന്നേറ്റപ്പോൾ തെരുവുനായ ഓടുന്നത് വീട്ടമ്മ കണ്ടതിതെ തുടർന്നു നോക്കുമ്പോൾ കോഴികളെ കൊന്നിട്ടിരിക്കുന്നത് കണ്ടത്.കൂടിൻ്റെ കമ്പിവല നശിപ്പിച്ചതിന് ശേഷമാണ് ഉള്ളിൽ കയറി കോഴികളെയും താറാവിനെയും കടിച്ച് കൊന്നത്.വീടിൻറെ വലിയ മതിൽ ചാടിയാണ് തെരുവുനായ കോഴികളെ കടിച്ചു കൊന്നു തിന്നത്.
വീട്ടമ്മയുടെ ഏക വരുമാനമാർഗ്ഗമാണ് ഇതോടെ ഇല്ലാതായത്.പ്രദേശത്ത് തെരുവുനായ ശല്യമാണെന്നാണ് വീട്ടുകാർ പറയുന്നത്.
