തിരുവനന്തപുരം: പോത്തൻകോട് സ്വദേശി ഏഴ് വയസുകാരനായ ആരവ് ശങ്കറിൻ്റെ ചികിത്സയ്ക്കായി നാടു മുഴുവൻ കൈകോർക്കുകയാണ്. ആംമ്പല്ലൂർ എം.ഐ.ഷാനവാസ് ആരവ് ശങ്കറിന്റെ ചികിത്സാ നിധിയിലേക്ക് സംഭാവന നൽകി. പോത്തൻകോട് പഞ്ചായത്ത് പ്രസിഡൻറിന് കഴിഞ്ഞ ദിവസമാണ് ആരവിൻ്റെ ചികിത്സയ്ക്കായി എം.ഐ.ഷാനവാസ് ചെക്ക് കൈമാറിയത്.
പ്രവാസി വ്യവസായിയും അബൂദാബിയിൽ പ്രവർത്തിക്കുന്ന ലൈലക്ക് ഗ്രൂപ്പിൻ്റെ മാനേജിംഗ് ഡയറക്ടറുമായ ആംബല്ലൂർ എം.ഐ. ഷാനവാസ് ജീവകാരുണ്യ സാമൂഹ്യ മേഖലകളിൽ നിരവധി സംഭാവനകൾ ചെയ്യുന്ന വ്യക്തികൂടിയാണ്.
ആരവിന്റെ ചികിത്സയ്ക്കായി കാരമൂട് ബിപിഎം ഇംഗ്ലീഷ് മീഡിയം സ്കൂളിലെ കുട്ടികളും രക്ഷകർത്താക്കളും ജീവനക്കാരും മാനേജമെന്റും ചേർന്ന് 160000രൂപ ചികിത്സാ നിധിയിലേക്ക് സംഭാവന ചെയ്തിരുന്നു. പോത്തൻകോട് പണിമൂല സ്വദേശിയായ ഏഴ് വയസുകാരൻ ആരവ് ശങ്കർ ഇവിങ് സർകോമ എന്ന അസുഖത്തിനു ചികിത്സയിലാണ്. ചികിത്സയുടെ പണം കണ്ടെത്തുന്നതിനായിട്ടാണ് ആരവ് ശങ്കർ ചികിത്സ സഹായ സമതി രൂപീകരിച്ചിരിക്കുന്നത്.
