മലപ്പുറം: സംസ്ഥാനത്ത് വീണ്ടും നിപ ബാധയെന്ന് സംശയം. 15 കാരാനാണ് രോഗം സംശയിക്കുന്നത്. മലപ്പുറം സ്വദേശിയായ കുട്ടി നിലവിൽ കോഴിക്കോട് സ്വകാര്യ ആശുപത്രിയിൽ ചികിത്സയിലാണ്. കുട്ടിയുടെ സ്ക്രീനിങ് പരിശോധനാഫലം പോസിറ്റീവാണ്. ഇതേ തുടർന്നാണ് നിപ്പ സംശയം ബലപ്പെട്ടത്. ഇതേ തുടർന്ന് കുട്ടിയുടെ സാമ്പിൾ പൂനെ വൈറോളജി ഇന്സ്റ്റിറ്റ്യൂട്ടിലേക്ക് അയച്ചിരിക്കുകയാണ്.
ഇതിന്റെ റിസൾട്ട് ഉടൻ വരുമെന്നാണ് പ്രതീക്ഷ. നിപ്പ സംശയം ബലപ്പെട്ടതിനെ തുടർന്ന് പ്രദേശത്ത് നിപ പ്രോട്ടോകോൾ പാലിക്കാൻ ആരോഗ്യവകുപ്പ് മന്ത്രി വീണ ജോർജ് നിർദേശം നൽകിയിട്ടുണ്ട്. കൂടാതെ കുട്ടിയുമായി സമ്പക്കർക്കമുള്ളവരെ ഐസലോറ്റ് ചെയ്തു. നിലവിൽ മൂന്ന് പേരാണ് സമ്പർക്ക പട്ടികയിൽ ഉള്ളത്. ഇവരെ മൂന്ന് പേരെയും ഐസൊലേറ്റ് ചെയ്തു.
കുട്ടിയുടെ ആരോഗ്യം നില അതീവ ഗുരുതരവസ്ഥയിലാണെന്നാണ് പുറത്തുവരുന്ന വിവരം. കഴിഞ്ഞ ദിവസമാണ് പനി, ഛർദി ഉൾപ്പെടെയുള്ള രോഗലക്ഷണങ്ങളുമായി കുട്ടിയെ മലപ്പുറത്തുള്ള ഒരു സ്വകാര്യ ആശുപത്രിയിൽ പ്രവേശിപ്പിച്ചത്. തുടർന്ന് രോഗം മൂർച്ഛിച്ചപ്പോൾ ഇവിടെ നിന്ന് കോഴിക്കോട്ടുളള സ്വകാര്യ ആശുപത്രിയിലേക്ക് പ്രവേശിപ്പിക്കുകയായിരുന്നു. നിപ സംശയത്തിൽ ആരോഗ്യവകുപ്പിന്റെ ഉന്നതതലയോഗം മന്ത്രി വീണ ജോർജിന്റെ നേതൃത്വത്തിൽ ആരംഭിച്ചു.
