പാരീസ്: പാരീസ് ഒളിമ്പിക്‌സിന് ഇന്ന് തിരിതെളിയും. മുപ്പത്തിമൂന്നാമത് ഒളിംപിക്സിനാണ് ഇന്ന് തുടക്കം കുറിക്കുന്നത്. ഇന്ത്യൻ സമയം രാത്രി 11 നാണ് ഉദ്ഘാടന ചടങ്ങുകള്‍ ആരംഭിക്കുക. രണ്ടാഴ്ചക്കാലം കായികലോകത്തിന്‍റെ ശ്രദ്ധാകേന്ദ്രമാകാനൊരുങ്ങുകയാണ് പാരീസ്.
206 രാജ്യങ്ങളിലെ 10,500 കായികതാരണങ്ങളാണ് വിവിധ മത്സരങ്ങളിൽ മാറ്റുരയ്ക്കുന്നത്. ഇതിൽ 117 പേർ ഇന്ത്യയിൽ നിന്നുള്ളവരാണ്. പി വി സിന്ധുവും ശരത് കമാലുമാണ് ഇന്ത്യൻ പതാഹവാഹകരാകുന്നത്. പതിവിൽ നിന്ന് വ്യത്യസ്തമായി സെന്‍ നദിക്കരയിലാണ് ഇന്ന് ഉദ്ഘാടനചടങ്ങുകൾ നടക്കുന്നത്.
സെന്‍ നദിക്കരയില്‍ ബോട്ടിലൂടെയാണ് ഇത്തവണ കായിത താരങ്ങള്‍ മാര്‍ച്ച് പാസ്റ്റ് നടത്തുക എന്ന പ്രത്യേകതയുമുണ്ട്. ക്ഷണിക്കപ്പെട്ട 22000 അതിഥികളും ടിക്കറ്റെടുത്ത് എത്തുന്ന 104000 കാണികളും നദിക്കരയിലെ ഉദ്ഘാടനച്ചടങ്ങിന് സാക്ഷ്യം വഹിക്കും.
