പത്തനംതിട്ട: പത്തനംത്തിട്ട റാന്നിയിൽ നിന്ന് കാണാതായ പത്ത് വയസുകാരിയെ കണ്ടെത്തി. ഇന്ന് രാവിലെ 9 മണിയോടെയാണ് കുട്ടിയെ കാണാതായത്. പൊലീസും നാട്ടുകാരും ചേര്‍ന്ന് നടത്തിയ തിരിച്ചിലിനൊടുവിലാണ് കുട്ടിയെ കണ്ടെത്തിയത്. നീണ്ട മൂന്ന് മണിക്കൂറുകളുടെ തിരച്ചിലിനൊടുവിലാണ് കുട്ടിയെ കണ്ടെത്തിയത്. കുട്ടി സുരക്ഷിതയാണെന്ന് പൊലീസ് അറിയിച്ചു.
റാന്നി പഴവങ്ങാടി ചെറുവാഴക്കുന്നം തടത്തിൽ കാച്ചാണത്ത് വീട്ടിൽ ആഗ്നസ് ജോമോനെയാണ് കാണാതായത്. വീട്ടിൽ മുത്തശി മാത്രമാണ് ആ സമയത്ത് ഉണ്ടായിരുന്നത്. കുട്ടിയുടെ മാതാപിതാക്കൾ ജില്ലയ്ക്ക് പുറത്ത് പോയ സമയത്തായിരുന്നു സംഭവം നടന്നത്. മുത്തശ്ശി കുട്ടിയ്ക്ക് ആഹാരം കൊടുത്തതിനു ശേഷം അടുക്കളയിൽ പോയി തിരികെ എത്തിയപ്പോഴാണ് കുട്ടിയെ കാണാനില്ലെന്ന് മനസിലായത്. ഉടൻ തന്നെ വീടിന് പരിസരത്തും മറ്റും തിരച്ചിൽ നടത്തിയിരുന്നു എന്നാൽ കുട്ടിയെ കണ്ടെത്താനായില്ല.
