വയനാട്: വയനാട് രണ്ട് എൻഡിആർഎഫ് ടീം ആക്ടീവായി ഫീൽഡിൽ നിൽക്കുന്നുണ്ടെന്ന് റവന്യു വകുപ്പ് മന്ത്രി കെ രാജൻ. ഉടൻ തന്നെ ഒരു ടീമിനെ കൂടെ വിടുമെന്നും അത് ബാംഗ്ലൂരിൽ നിന്നാണ് വരുന്നതെന്നും മന്ത്രി വ്യക്തമാക്കി.
കൂടാതെ ഡിഫൻസ് സെക്യൂരിറ്റി ഫോഴ്സിൻ്റെ രണ്ട് ടീമുകളെ കൂടി വയനാട്ടിലേക്ക് എത്തിക്കും. എയർ ഫോഴ്സിൻ്റെ രണ്ട് ചോപ്പർ ഉണ്ട് . കാലാവസ്ഥ മോശമായ കാരണം കാലിക്കറ്റിൽ നിന്നും പുറപ്പെടാൻ പറ്റുന്നില്ലെന്നും മിലിട്ടറി എഞ്ചിനീയറിംഗ് ടീമിൻ്റെ ഒരു വിംഗ് 3 മണിയോടെ എത്തിചേരുമെന്നും മന്ത്രി കെ രാജൻ അറിയിച്ചു.
അതെ സമയം രക്ഷാ പ്രവർത്തനം ഏകോപിപ്പിക്കാനായി കേന്ദ്രമന്ത്രി ജോർജ് കുര്യൻ വയനാട്ടിലേക്ക് തിരിച്ചു. പ്രധാനമന്ത്രി നരേന്ദ്രമോദിയുടെ നിർദ്ദേശപ്രകാരമാണ് അദ്ദേഹം എത്തുന്നത്.
