ഡൽഹി: സംസ്ഥാന സർക്കാരിനെ വിമർശിച്ച് കേന്ദ്ര ആഭ്യന്തരമന്ത്രി അമിത് ഷാ. കേരള സർക്കാരിന് ഉരുൾപൊട്ടൽ സംബന്ധിച്ച് മുന്നറിയിപ്പ് നൽകിയിരുന്നുവെന്ന് അമിത്ഷാ പറഞ്ഞു. രാജ്യസഭയിലാണ് അദ്ദേഹത്തിന്റെ പ്രതികരണം. ജൂലൈ 23 ന് പ്രളയ മുന്നറിയിപ്പ് നൽകിയിരുന്നുവെന്നും മുന്നറിയിപ്പിന്റെ അടിസ്ഥാനത്തില് കൃത്യമായ നടപടിയെടത്തിരുന്നെങ്കിൽ വലിയ ദുരന്തം ഒഴിവാക്കാമായിരുന്നുവെന്നും അമിത് ഷാ ആരോപിച്ചു.
ജൂലൈ 23ന് ഒമ്പത് എന്ഡിആര്എഫ് സംഘത്തെ മേഖലയിലേക്ക് അയച്ചിരുന്നു. മുന്നറിയിപ്പ് ലഭിച്ചിട്ടും കേരളം എന്തു ചെയ്തുവെന്ന് അമിത്ഷാ ചോദിച്ചു.സുരക്ഷാ ക്രമീകരണം ഒരുക്കുന്നതില് ഉണ്ടായ വീഴ്ചയാണ് ദുരന്തത്തിനു കാരണമെന്നും അമിത് ഷാ വ്യക്തമാക്കി. അതെ സമയം രാഷ്ട്രീയ ഭിന്നത മറന്ന് ഈ ദുരന്തത്തിൽ കേരളത്തിനൊപ്പം നിൽക്കുമെന്നും അദ്ദേഹം കൂട്ടിച്ചേര്ത്തു.
