തിരുവനന്തപുരം: സൗജന്യ നേത്ര പരിശോധനയും തിമിര ശസ്ത്രക്രിയയും സംഘടിപ്പിക്കുന്നു. കലാനികേതൻ സാംസ്കാരിക സമിതിയും, കണിയാപുരം പള്ളിനട റസിഡൻസ് അസോസിയേഷന്റെയും സംയുക്ത ആഭിമുഖ്യത്തിൽ നടത്തുന്ന ഒമ്പതാമത്തെ ക്യാമ്പാണ് ഇത്. തിരുനെൽവേലി അരവിന്ദ് കണ്ണാശുപത്രിയുടെ നേതൃത്വത്തിൽ ഓഗസ്റ്റ് 4 ഞായറാഴ്ച രാവിലെ ഏഴുമണിമുതൽ ഒരു മണി വരെ കണിയാപുരം പള്ളിനട നിബ്രാസുൽ ഇസ്ലാം മദ്രസ ഹാളിൽ വച്ചാണ് ക്യാമ്പ് നടത്തുന്നത് .
സൗജന്യ നേത്ര പരിശോധനയിൽ തിമിരം കണ്ടെത്തുന്നവരെ അന്ന് വൈകുന്നേരം തന്നെ തിരുനെൽവേലി അരവിന്ദ് ഹോസ്പിറ്റലിൽ കൊണ്ടുപോയി സൗജന്യമായി ശസ്ത്രക്രിയ ചെയ്ത് വീടുകളിൽ തിരിച്ചെത്തിക്കുന്നു. ക്യാമ്പിൽ പങ്കെടുക്കുന്നവർ ആധാർ കാർഡ് കൂടി കൊണ്ടുവരേണ്ടതാണന്നും ഈ അസുലഭ അവസരം എല്ലാവരും പ്രയോജനപ്പെടുത്തണമെന്നും കലാനികേതൻ, കെ പി ആർ എ ചെയർമാൻ എം എ ലത്തീഫ് അറിയിച്ചു.
