കഴക്കൂട്ടം:തിരുവനന്തപുരത്ത് നിന്ന് പുറപ്പെട്ട വന്ദേഭാരത് ട്രെയിനിനു നേരെ കല്ലേറ്. ഇന്ന് വൈകുന്നേരം 4.18ന് കണിയാപുരത്തിനും മുരുക്കുംപുഴയ്ക്കും ഇടയിൽ വച്ചാണ് കല്ലേറുണ്ടായത്.
കല്ലേറിൽ സി 4 കോച്ചിലെ സീറ്റ് നമ്പർ 74 നു മുന്നിലെ ചില്ലു പൊട്ടി. കല്ലേറിൽ ആർക്കും പരിക്കില്ല. റെയിൽവേ പൊലീസും മംഗലപുരം പൊലീസും സ്ഥലത്തെത്തി പരിശോധിച്ച ശേഷം ട്രെയിൻ യാത്ര തുടർന്നു. പൊലീസ് കേസെടുത്തു അന്വേഷണം ആരംഭിച്ചു.
