തിരുവനന്തപുരം: തിരുവനന്തപുരത്തെ 2 റെയിൽവേ സ്റ്റേഷനുകളുടെ പേര് മാറുന്നു. നേമം, കൊച്ചുവേളി റെയിൽവേ സ്റ്റേഷനുകളുടെ പേരാണ് മാറുന്നത്. കേരളാ സർക്കാരിന്റെ ശുപാർശ കേന്ദ്രം അംഗീകരിച്ചതോടെയാണ് പുതിയ മാറ്റം.
തിരുവനന്തപുരം സൗത്ത്, തിരുവനന്തപുരം നോർത്ത് എണ്ണിനങ്ങനെയാകും ഇനി മുതൽ ഈ സ്റ്റേഷനുകൾ അറിയപ്പെടുക. നേമം തിരുവനന്തപുരം സൗത്തും കൊച്ചുവേളി തിരുവന്തപുരം നോർത്തുമാണ്. സ്റ്റേഷനുകളുടെ വികസനത്തിന്റെ ഭാഗമായിട്ടാണ് പേര് മാറ്റം.
തിരുവനന്തപുരം സെൻട്രൽ കേന്ദ്രീകരിച്ച് സർവീസ് നടത്തുന്ന ട്രെയിനുകളുടെ എണ്ണം പരമാവധി ആയിരിക്കുകയാണ്. അതുകൊണ്ടാണ് സമീപ സ്റ്റേഷനുകളുടെ വികസനത്തിന് പ്രാധാന്യം നൽകുന്നത്. പേര് മാറ്റം വരുന്നതോടെ യാത്രക്കാരുടെ എണ്ണം കൂടാനും കൂടുതൽ ട്രെയിനുകളുമെത്തുമെന്നുമാണ് പ്രതീക്ഷ.
