ഷിരൂർ: കർണാടകയിലെ ഷിരൂരിൽ ജീർണിച്ച പുരുഷന്റെ മൃതദേഹം കണ്ടെത്തിയതായി വിവരം. മണ്ണിടിച്ചിലുണ്ടായ പ്രദേശത്ത് നിന്ന് മാറിയാണ് മൃതദേഹം കണ്ടെത്തിയത്. അകനാശിനി ബഡാ മേഖലയിലാണ് സംഭവം.
കടലിൽ ഒഴുകുന്ന നിലയിലാണ് മൃതദേഹം കണ്ടെത്തിയത്. ഷിരൂരിൽ നിന്നും 60 കിലോമീറ്റർ ചുറ്റളവിലാണ് മൃതദേഹം കണ്ടെത്തിയത്. അതെ സമയം കടൽ തീരത്ത് കണ്ടെത്തിയ മൃതദേഹം ആരുടെതെന്ന് വ്യക്തമല്ല. ഈ പ്രദേശത്ത് നിന്ന് ഒരു മത്സ്യത്തൊഴിലാളിയെ കാണാനില്ലെന്ന് നേരത്തെ റിപ്പോർട്ട് ഉണ്ടായിരുന്നു. ജില്ലാ ഭരണകൂടം ഡിഎൻഎ പരിശോധനയ്ക്കൊരുങ്ങുകയാണെന്നാണ് പുറത്തുവരുന്ന വിവരം.
