തിരുവനന്തപുരം: തിരുവനന്തപുരം ദേശീയപാതയിൽ അപകടം. കല്ലമ്പലം ദേശീയ പാതയിലാണ് സംഭവം. യുവാവിനെ ഇടിച്ചുതെറിപ്പിച്ച ശേഷം വാഹനം നിർത്താതെ പോകുകയായിരുന്നു. അപകടത്തിൽ ഗുരുതരമായി പരിക്കേറ്റ യുവാവ് റോഡിൽ രക്തം വാർന്ന് മരിക്കുകയായിരുന്നു.
ചിറയിൻകീഴ് മുടപുരം സ്വദേശിയായ വിനോദ് (43) ആണ് മരിച്ചത്. നാവായികുളം ഐ ഒ ബി ബാങ്കിന് മുൻവശമാണ് അപകടം നടന്നത്. വിനോദ് വെൽഡിങ് തൊഴിലാളിയാണ്. ഇന്നലെ അർദ്ധ രാത്രിയോടെയാണ് വിനോദിനെ അജ്ഞാത വാഹനം ഇടിച്ച് തെറിപ്പിച്ച ശേഷം കടന്നുകളഞ്ഞത്.
