തിരുവനന്തപുരം: മേനംകുളം ദേശസേവിനി ഗ്രന്ഥശാല ഓണാഘോഷ പരിപാടികൾ ഉപേക്ഷിച്ച് സമാഹരിച്ച തുക ദുരിതാശ്വാസ നിധിയിലേക്ക് കൈമാറി. മേനംകുളം ദേശസേവിനി ഗ്രന്ഥശാലയുടെ നേതൃത്വത്തിൽ എഴുപത്തിയെട്ടാമത് വാർഷികാഘോഷവും ഓണാഘോഷവുമാണ് സെപ്റ്റംബർ 15, 16 തിയതികളിലായി നടത്താൻ നിശ്ചയിച്ചിരുന്നത്.
എന്നാൽ വയനാട് ദുരന്തത്തിന്റെ പാശ്ചാത്തലത്തിൽ ആഘോഷ പരിപാടികൾ ഉപേക്ഷിക്കുകയായിരുന്നു. കൂടാതെ പരിപാടി നടത്താനായി സമാഹരിച്ച തുകയായ 60,000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇവർ സംഭാവന നൽകുകയും ചെയ്തു. ഗ്രന്ഥശാല സെക്രട്ടറി വിനയകുമാറും പ്രസിഡന്റ് സഹദേവനും ചേർന്നാണ് മുഖ്യമന്ത്രിക്ക് തുക കൈമാറിയത്.
