ചെന്നൈ: തമിഴക വെട്രി കഴകം രാഷ്ട്രീയ പാർട്ടിയുടെ പതാകയും ചിഹ്നവും പുറത്തിറക്കി നടൻ വിജയ്. ഇന്ന് രാവിലെ നടന്ന ചടങ്ങിലാണ് വിജയ് പതാക പുറത്തിറക്കിയത്. ചെന്നൈയിലെ പനയൂരിൽ പാർട്ടി ആസ്ഥാനത്ത് വച്ചാണ് പരിപാടി സംഘടിപ്പിച്ചത്.
ചുവപ്പും മഞ്ഞയും നിറങ്ങളും രണ്ട് ആനകളുടെ ചിത്രവും അടങ്ങുന്നതാണ് പതാക. ആനകൾക്ക് പുറമെ വാഗൈ പുഷ്പത്തെയും പതാകയിൽ കാണാം. പരമ്പരാഗത യുദ്ധത്തിലെ വിജയവുമായി ബന്ധപ്പെട്ട പുഷ്പമാണ് വാഗൈ. പാര്ട്ടിയുടെ ഔദ്യോഗിക ഗാനവും ഇന്ന് പുറത്തിറക്കി. സംഗീതജ്ഞൻ എസ് തമനാണ് ഗാനം ചിട്ടപ്പെടുത്തിയിരിക്കുന്നത്.
