കൊച്ചി: താര സംഘടനയായ അമ്മയുടെ ജനറൽ സെക്രട്ടറി സ്ഥാനത്ത് നിന്ന് നടൻ സിദ്ദിഖ് രാജിവച്ചു. യുവ നടിയുടെ ഗുരുതര ലൈംഗിക ആരോപണത്തെ തുടർന്നാണ് നടപടി.
രാജി സന്നദ്ധത അറിയിച്ചു അമ്മ പ്രസിഡന്റ് മോഹൻലാലിന് സിദ്ദിഖ് മെയിൽ അയച്ചു. എനിക്ക് എതിരെ വന്നുകൊണ്ടിരിക്കുന്ന ആരോപണങ്ങൾ താങ്കളുടെ ശ്രദ്ധയിൽ പെട്ടിരിക്കുമല്ലോ. ഈ സാഹചര്യത്തിൽ “അമ്മ” യുടെ ജനറൽ സെക്രട്ടറി സ്ഥാനത്തു നിന്നും ഞാൻ സ്വമേധയാ രാജി വെക്കുന്നതായി താങ്കളെ അറിയിച്ചു കൊള്ളട്ടെ’,എന്നാണ് രാജി കത്തിൽ പറഞ്ഞിരിക്കുന്നത്. ഇന്ന് അമ്മ അടിയന്തര എക്സിക്യൂട്ടീവ് യോഗം ചേരുന്നുണ്ട്.
യുവ നടി രേവതി സമ്പത്താണ് കഴിഞ്ഞ ദിവസം സിദ്ദിഖിനെതിരെ ലൈംഗിക ആരോപണം ഉന്നയിച്ചത്. സിനിമ മോഹിച്ചെത്തിയ തന്നെ ചെറുപ്രായത്തിൽ തന്നെ സിദ്ദിഖ് പീഡിപ്പിച്ചുവെന്നാണ് ആരോപണം.
