തിരുവനന്തപുരം: നടൻ ജയസൂര്യയ്ക്ക് എതിരെ പരാതി നൽകി തിരുവനന്തപുരം സ്വദേശി. പ്രത്യേക സംഘത്തിനു മുന്നിലാണ് വീണ്ടും ഒരു പരാതി കൂടി ജയസൂര്യക്ക് എതിരെ ലഭിച്ചത്. ഷൂട്ടിംഗ് സെറ്റിൽവെച്ച് തന്നെ കടന്നുപിടിച്ചെന്നാണ് നടി പരാതിയിൽ പറയുന്നത്.
പരാതിക്കാരിയുടെ പ്രാഥമിക മൊഴി പൊലീസ് ശേഖരിച്ചു. അന്വേഷണ സംഘത്തിലെ ജി. പൂങ്കുഴലി,ഐശ്വര്യ ഡോങ്ക്റെ എന്നിവർ പരാതിക്കാരിയുമായി നേരിട്ട് സംസാരിച്ചു. 2013ലാണ് സംഭവം നടന്നതെന്നും തൊടുപുഴയിലെ സെറ്റിൽ വച്ചാണ് ദുരനുഭവം നേരിട്ടതെന്നും യുവ നടി പറയുന്നു.
നേരത്തെ മറ്റൊരു നടിയും ജയസൂര്യക്കെതിരെ പരാതി നല്കിയിരുന്നു. സിനിമാ മേഖലയിൽ നിന്ന് ഇതുവരെ 18 പരാതികളാണ് പൊലീസിന് ലഭിച്ചത്.
