കഴക്കൂട്ടം: പള്ളിപ്പുറം ദേശീയ പാതയിൽ അപകടം. ലോറി ഓട്ടോറിക്ഷയിൽ ഇടിച്ചാണ് അപകടം സംഭവിച്ചത്. ഓടികൊണ്ടിരുന്ന ലോറിയിലെ ഡ്രൈവർക്ക് ഫിക്സ് വന്ന് കുഴഞ്ഞുവീണ് വാഹനത്തിന്റെ നിയന്ത്രണം നഷ്ടപ്പെടുകയായിരുന്നു. നിയന്ത്രണവിട്ട് ലോറി ഓട്ടോറിക്ഷയിൽ ഇടിച്ചു കയറി ഓട്ടോ ഡ്രൈവർക്ക് ഗുരുതരമായി പരിക്കേറ്റു.
ഓട്ടോ ഡ്രൈവർ വെള്ളറ സ്വദേശി സുനികുമാറിന്റെ കാലിനാണ് പരിക്കേറ്റത്.ലോറിയിൽ കൂടെയുണ്ടായിരുന്ന ക്ളീനർ ഹാൻ ബ്രേക്ക് വലിച്ച് ലോറി നിർത്തിയതുകൊണ്ട് വൻ ദുരന്തം ഒഴിവായി.
ഇന്നലെ രാവിലെ എട്ടുമണിയോടെ പള്ളിപ്പുറം സി.ആർ,പി,എഫിനടുത്തെ ദേശീയപാതയിലാണ് അപകടം നടന്നത്. തമിഴ്നാട്ടിൽ നിന്ന് തിരുവനന്തപുരത്തേക്ക് പോകുകയായിരുന്ന ലോറി മുന്നേ പോയ ഓട്ടോറിക്ഷയിലാണ് ഇടിച്ചത്. ഓട്ടോയിൽ കുടുങ്ങിപോയ സുനിൽകുമാറിനെ നാട്ടുകാരും പൊലീസും ഫയർഎഫോഴ്സും അരമണിക്കൂറോളം പണിപ്പെട്ടാണ് പുറത്തെടുത്തത്. ലോറി ഡ്രൈവർ ഷാഹാനെ സമീപത്തെ ആശുപത്രിയിൽ പ്രവേശിപ്പിച്ചു.
