തിരുവനന്തപുരം: തിരുവനന്തപുരം ഊരൂട്ടമ്പലം സഹകരണ ബാങ്കിനെതിരെ പരാതി. ബാങ്കിലെ 18 സ്ഥിര നിക്ഷേപങ്ങൾ പിൻവലിക്കാൻ സാധിക്കുന്നില്ലെന്നാണ് പരാതിയിൽ പറയുന്നത്. റസ്സൽപുരം സ്വദേശിയായ എൺപത് വയസുകാരി പത്മാവതി അമ്മയാണ് പരാതി നൽകിയത്.
പരാതിയിൽ ലോകായുക്ത നടപടി സ്വീകരിച്ചു. ഒരു മാസത്തിനകം പണം കൊടുക്കണമെന്ന് ബാങ്ക് പ്രസിഡന്റിനോടും സെക്രട്ടറിയോടും ലോകായുക്ത നിർദേശിച്ചു. ലോകായുക്ത ജസ്റ്റിസ് എൻ. അനിൽ കുമാർ ആണ് പരാതി പരിഗണിച്ചത്. ഊരൂട്ടമ്പലം സഹകരണ ബാങ്ക് പ്രസിഡന്റും സെക്രട്ടറിയും ഫണ്ട് ദുരുപയോഗം ചെയ്തു എന്നാണ് പരാതിയിൽ ആരോപിക്കുന്നത്.
