മംഗലപുരം: കുട്ടികളുടെ ആരോഗ്യസംരക്ഷണത്തിനായി ശുദ്ധജലം ലഭ്യമാക്കുക എന്ന ലക്ഷ്യവുമായി ഹെൽത്ത് ആൻ് ഹൈജീൻ പദ്ധതിയിൽ ഉൾപ്പെടുത്തി കഴക്കൂട്ടം റോട്ടറി ക്ലബ്ബ് പാട്ടത്തിൽ ഗവ. എൽ.പി.സ്കൂളിലെ കുട്ടികൾക്ക് വാട്ടർ ബോട്ടിലുകൾ വിതരണം ചെയ്തു. ഈ പദ്ധതിയിൽ ഉൾപ്പെടുത്തി കണിയാപുരം ഉപജില്ലയിലെ പത്ത് പൊതുവിദ്യാലയങ്ങളിൽ കഴക്കൂട്ടം റോട്ടറി ക്ലബ്ബ് വാട്ടർ ബോട്ടിൽ വിതരണം ചെയ്യും.
ചടങ്ങ് സിനിമാ താരം മണികണ്ഠൻ തോന്നക്കൽ ഉദ്ഘാടനം ചെയ്തു. റോട്ടറി ക്ലബ്ബ് പ്രസിഡൻ്റ് എസ്. എസ് നായർ അധ്യക്ഷത വഹിച്ചു. കവി കലാം കൊച്ചേറ, ഗ്രാമ പഞ്ചായത്തംഗം ശ്രീലത, റോട്ടറി ക്ലബ്ബ് സെക്രട്ടറി മണികണ്ഠൻ,എസ് .എൽ രാജ്, ഡോക്ടർ രാജേന്ദ്രൻ, ഹെഡ്മാസ്റ്റർ അൽ ബയാൻ, സീനിയർ അസിസ്റ്റൻ്റ് ബീന എന്നിവർ പങ്കെടുത്തു.
