തിരുവനന്തപുരം: ‘കീരിക്കാടൻ ജോസ്’ ഇനി ഓർമ. നടന് മോഹൻരാജ് അന്തരിച്ചു. ഇന്ന് മൂന്ന് മണിയോടെയായിരുന്നു അന്ത്യം.
അസുഖബാധിതനായി ചികിത്സയിലായിരുന്നു. തിരുവനന്തപുരം കാഞ്ഞിരംകുളത്തെ വീട്ടിൽ വച്ചായിരുന്നു മരണം. നടനും നിര്മാതാവുമായ ദിനേശ് പണിക്കാരാണ് മരണവിവരം അറിയിച്ചത്. സംസ്കാരെ നാളെ.
2022 ല് പുറത്തിറങ്ങിയ റോഷാര്ക്ക് ആയിരുന്നു അവസാന ചിത്രം. ശാരീരിക അവശതകളെ തുടര്ന്ന് ഏറെ നാളുകളായി സിനിമയിൽ സജീവമായിരുന്നില്ല.
നിരവധി വില്ലൻ കഥാപാത്രങ്ങളെ നമുക്ക് സമ്മാനിച്ച മോഹൻരാജ്, കിരീടം എന്ന സിനിമയിലെ കീരിക്കാടന് ജോസ് അവിസ്മരണീയമാക്കി. 300 ലേറെ സിനിമകളില് അദ്ദേഹം വേഷമിട്ടു.
