തിരുവനന്തപുരം: പെൻഷൻകുടിശ്ശിഖ, ക്ഷാമാശ്വാസം തുടങ്ങിയവ അടിയന്തിരമായി നൽകാൻ സർക്കാർ തയ്യാറാകണമെന്നും ഉപയോഗമില്ലാത്ത മെഡിസെപ്പ് നിർത്തലാക്കണമെന്നും മുൻ എം.എൽ.എ അഡ്വ.എം.എ.വാഹിദ് ആവശ്യപ്പെട്ടു.കെ.എസ്.എസ്.പി.എ അണ്ടൂർക്കോണം നാൽപ്പതാം വാർഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡൻ്റ് അണ്ടൂർക്കോണം മുമ്പാറക്ക് അധ്യക്ഷൻ ആയിരുന്നു.
ജോയിൻ്റ് സെക്രട്ടറി വിജയകുമാരൻ നായർ സ്വാഗതവും രാജലക്ഷ്മി നന്ദിയും പറഞ്ഞു. സെക്രട്ടറി സതികുമാരൻനായർ റിപ്പോർട്ട് അവതരിപ്പിച്ചു. അഡ്വ.എം: മുനീർ, പി.ഭുവനേന്ദ്രൻ നായർ, പി.മുരളീധരൻ നായർ, കെ.എസ്.എസ്. പി .എ ജില്ലാ പ്രസിഡൻ്റ് വി.വി. റസ്സൽ പ്രതിനിധി സമ്മേളനം ഉദ്ഘാടനം ചെയ്തു. ആർ.ശക്തിധരൻ നായർ, പിരപ്പൻകോട് ശ്യാംകുമാർ, വെമ്പായം ശശിധരൻ, കുന്നുംപുറം വാഹിദ്, പുഷ്പ വിജയൻ ,കെ.കൃഷ്ണൻകുട്ടി , അബ്ദുൾ ഖരീം അബ്ദുൾ ഹക്കിം, ചാമി ആചാരി തുടങ്ങിയവർ സംസാരിച്ചു.
