തിരുവനന്തപുരം: തിരുവനന്തപുരം മംഗലാപുരത്ത് പെൺകുട്ടിക്ക് നേരെ പീഡനശ്രമം. ഇന്നലെ ഉച്ചക്കായിരുന്നു സംഭവം നടന്നത്. കേബിൾ ജോലിക്കെത്തിയ രണ്ട് പേർ ചേർന്നാണ് യുവതിയെ പീഡിപ്പിക്കാൻ ശ്രമിച്ചത്. പകൽസമയത്ത് വീടിനുള്ളിൽ അതിക്രമിച്ചു കയറിയാണ് ഇവർ പെൺകുട്ടിയെ ആക്രമിക്കാൻ ശ്രമിച്ചത്.
സംഭവത്തിൽ കൊല്ലം സ്വദേശികളായ രണ്ടു പേരെ പോലീസ് പിടികൂടി. ഇന്നലെ ഉച്ചയ്ക്ക് പെൺകുട്ടിയുടെ വീട്ടിൽ കേബിൾ ജോലിക്കെത്തിയതാണ് പ്രതികൾ. പെൺകുട്ടി ഒറ്റയ്ക്കായിരുന്നു ആ സമയം വീട്ടിൽ ഉണ്ടയായിരുന്നത്. ഇത് മനസിലാക്കിയ പ്രതികൾ പെൺകുട്ടിയെ പീഡിപ്പിക്കാൻ ശ്രമിക്കുകയായിരുന്നു.
പേടിച്ച് നിലവിളിച്ച പെൺകുട്ടിയുടെ വായിൽ ഇവർ തുണി തിരുകി കയറ്റി. ഒടുവിൽ അക്രമികളെ തള്ളിമാറ്റി പെൺകുട്ടി പുറത്തേക്ക് ഓടിയപ്പോഴാണ് സംഭവം നാട്ടുകാരറിഞ്ഞത്. ഉടൻ തന്നെ പോലീസിൽ വിവരമറിയിക്കുകയായിരുന്നു. പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ നിന്ന് പ്രതികൾ കുറച്ചു ദിവസങ്ങളായി മംഗലപുരം പരിധിയിൽ കേബിൾ ജോലി ചെയ്യുകയാണെന്ന് മനസിലാക്കുകയും ഇന്നലെ വൈകുന്നേരം തന്നെ പ്രതികളെ പിടികൂടുകയും ചെയ്തു.
