പാലക്കാട്: ഷൊര്ണൂരിൽ ട്രെയിൻ തട്ടി നാലുപേര് മരിച്ചു. ശുചീകരണത്തൊഴിലാളികളാണ് മരിച്ചത്. ഷൊർണൂർ പാലത്തിൽ വച്ചാണ് അപകടം ഉണ്ടായത്. കേരള എക്സ്പ്രസ് തട്ടിയാണ് അപകടം സംഭവിച്ചത്. ലക്ഷ്മണൻ, വള്ളി, റാണി, ലക്ഷ്മണൻ എന്നിങ്ങനെ നാല് പേരാണ് മരിച്ചത്.
ഡൽഹിയിൽ നിന്ന് തിരുവനന്തപുരത്തേക്ക് വരുകയായിരുന്നു ട്രെയിൻ. ട്രാക്കിലൂടെയുള്ള മാലിന്യങ്ങള് ശേഖരിച്ച് വരുന്നതിനിടെയാണ് ഇവരെ ട്രെയിൻ തട്ടിയത്. കരാർ അടിസ്ഥാനത്തിൽ ജോലി ചെയ്തുവരികയായിരുന്നു ഇവർ. മാലിന്യങ്ങൾ ശേഖരിക്കുന്നതിനിടിയിൽ ട്രെയിൻ വരുന്നത് ഇവർ അറിഞ്ഞിരുന്നില്ല. ഇതാണ് അപകടത്തിന് കാരണം.
ഇന്ന് ഉച്ചയ്ക്ക് 3.05ഓടെയാണ് അപകടം നടന്നത്. മൂന്ന് പേരുടെ മൃതദേഹം കണ്ടെത്തി. ഒരാളുടെ മൃതദേഹം കണ്ടെത്താനുള്ള തിരച്ചിലിലാണ്.
