കൊല്ലം: യുവതിയെ കൊന്ന് കുഴിച്ചുമൂടി കോണ്ക്രീറ്റ് ചെയ്തു. കരുനാഗപ്പള്ളിയിലാണ് ദൃശ്യം മോഡൽ കൊലപാതകം നടന്നത്. സംഭവത്തിൽ പ്രതി പിടിയിൽ. കരുനാഗപ്പള്ളി സ്വദേശിയായ വിജയലക്ഷ്മിയെയാണ് കൊലപ്പെടുത്തിയത്.
കഴിഞ്ഞ ആഴ്ചയാണ് ഇവരെ കാണാതായത്. വിജയലക്ഷ്മിയെ പ്ലെയർ കൊണ്ട് തലയ്ക്കടിച്ച് കൊലപ്പെടുത്തിയ ശേഷം കുഴിച്ചുമൂടുകയായിരുന്നു. സംഭവത്തിൽ കരൂര് സ്വദേശി ജയചന്ദ്രന് പൊലീസ് പിടിയിലായി. കഴിഞ്ഞ ആറാം തീയതി മുതലാണ് വിജയലക്ഷ്മിയെ കാണാതായത്. കൊലപാതകം നടന്നത് ഈ മാസം 7 നാണ്.
വീടിനു സമീപമാണ് ഇയാൾ വിജയലക്ഷ്മിയെ കുഴിച്ചിട്ടത്. വിജയലക്ഷ്മിയെ ജയചന്ദ്രന് കൊലപ്പെടുത്തിയ ശേഷം നിര്മ്മാണം നടക്കുന്ന വീട്ടില് മൃതദേഹം കുഴിച്ചിടുകയായിരുന്നു. 13-ാം തീയതിയാണ് ഇവരെ കാണാനില്ലെന്ന് പരാതി പൊലീസിന് ലഭിക്കുന്നത്. തുടർന്ന് നടത്തിയ അന്വേഷണത്തിലാണ് സംഭവം പുറത്തറിയുന്നത്. യുവതിയെ കൊന്നു കുഴിച്ചുമൂടി എന്ന് ജയചന്ദ്രൻ പോലീസിന് മൊഴി നൽകിയിട്ടുണ്ട്.
ജയചന്ദ്രനും ആയി വിജയലക്ഷ്മി അടുത്ത സൗഹൃദത്തിൽ ആയിരുന്നു. മറ്റൊരാളുമായി വിജയലക്ഷ്മിക്ക് ബന്ധമുണ്ടെന്ന് സംശയമാണ് കൊലപ്പെടുത്താൻ കാരണമെന്നും ജയചന്ദ്രന്റെ മൊഴിയിലുണ്ട്. ഫോണ് കേന്ദ്രീകരിച്ചുള്ള അന്വേഷണം ദൃക്സാക്ഷി മൊഴിയുമാണ് പ്രതിയെ കുടുക്കാന് സഹായിച്ചതെന്ന് പൊലീസ് വ്യക്തമാക്കി.
