തിരുവനന്തപുരം: തന്റെ ചുറ്റുപാടുമുള്ള ലോകത്തെക്കുറിച്ചും അതിന്റെ ചലനഗതികളെ കുറിച്ചും തിരിച്ചറിയാൻ കഴിയുന്നവിധം അറിവുനേടാനുള്ള അനന്തമായ അവസരങ്ങളാണ് പുതിയ കാലവും ക്യാമ്പസുകളും നൽകുന്നതെന്ന് പ്രതിപക്ഷ നേതാവ് വി ഡി സതീശൻ. അതിനെ ഉപയോഗിക്കാനും ആർജിയ്ക്കുന്ന അറിവുകളിലൂടെ മനുഷ്യപ്പറ്റുള്ളവരായി മാറണമെന്നും ആർദ്രതയുടെ നനവുള്ളവരാകണം വിദ്യാർഥികളെന്നും അദ്ദേഹം അഭിപ്രായപ്പെട്ടു. തുമ്പ സെന്റ് സേവിയേഴ്‌സ് കോളേജ് ഐക്കര ഓഡിറ്റോറിയത്തിൽ നടന്ന കോളേജ് യൂണിയൻ ഉൽഘാടനം നിർവഹിച്ചുകൊണ്ടു സംസാരിക്കുകയായിരുന്നു അദ്ദേഹം.
ചടങ്ങിൽ യൂണിയൻ ചെയർമാൻ എ അൽഅമീൻ അദ്ധ്യക്ഷത വഹിച്ചു . കോളേജ് മാനേജർ ഫാദർ Dr .സണ്ണി ജോസ് SJ , കോളേജ് പ്രിൻസിപ്പൽ Dr നിഷാ റാണി , സ്റ്റാഫ് അഡ്വൈസർ Dr ഗിഫ്‌റ്റി , Dr തോമസ് , കോളേജ് യൂണിയൻ ഭാരവാഹികൾ തുടങ്ങിയവർ പങ്കെടുത്തു .
