തിരുവനന്തപുരം: തിരുവനന്തപുരം ചിറയിൻകീഴിൽ യുവാവിനെ കുത്തി കൊന്നു. കടയ്ക്കാവൂർ തുണ്ടത്തിൽ സ്വദേശി വിഷ്ണുവാണ് കൊല്ലപ്പെട്ടത്. സുഹൃത്താണ് വിഷ്ണുവിനെ കൊലപ്പെടുത്തിയത്.
കഴിഞ്ഞ ദിവസം ചിറയിൻകീഴ് പുളിമൂട്ട് കടവിന് സമീപത്തായിരുന്നു സംഭവം നടന്നത്. പ്രതി ജയനു വേണ്ടി പൊലീസ് തിരച്ചിൽ ഊർജിതമാക്കിയിരിക്കുകയാണ്. കുത്തേറ്റയുടന്‍ യുവാവിനെ മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മീൻ വാങ്ങുന്നതിനിടെ ഉണ്ടായ തർക്കമാണ് കൊലപാതകത്തിലേക്ക് നയിച്ചത്. വെള്ളിയാഴ്ച വൈകീട്ട് 6.30-ഓടെയാണ് സംഭവം. നിരവധി കേസിലെ പ്രതിയാണ് ജയൻ.
