വയനാട്: ഉറ്റവരെ നഷ്ടപ്പെട്ട ശ്രുതിയെ കൈവിടാതെ സർക്കാർ. ശ്രുതിക്ക് സർക്കാർ ജോലി പ്രഖ്യാപിച്ചു.റവന്യു വകുപ്പിൽ ക്ലർക് തസ്തികയിൽ ജോലി നൽകും. നിയമനം നടത്താൻ വയനാട് ജില്ലാ കളക്ടറെ ചുമതലപ്പെടുത്തി. ഇത് സംബന്ധിച്ച ഉത്തരവ് പുറത്തിറങ്ങി.
ചൂരല്‍മല ഉരുള്‍പൊട്ടലില്‍ അച്ഛനും അമ്മയും സഹോദരിയുമടക്കം ഒന്‍പത് പേരെയാണ് ശ്രുതിക്ക് നഷ്ടമായത്. തുടർന്ന് വാഹനാപകടത്തിൽ പ്രതിശ്രുത വരൻ ജെൻസണും മരിച്ചു. ശ്രുതി ഇപ്പോള്‍ കല്‍പ്പറ്റയില്‍ ബന്ധുക്കളോടൊപ്പമാണ് കഴിയുന്നത്.
അതെ സമയം ജോലി കിട്ടിയതിൽ ഒരുപാട് സന്തോഷം ഉണ്ടെന്ന് ശ്രുതി പറഞ്ഞു. റവന്യൂ വകുപ്പിൽ ജോലി കിട്ടിയ വിവരം മന്ത്രി കെ രാജനാണ് മെസേജ് അയച്ചു അറിയിച്ചത്. ഒന്നിനും പകരം ആകില്ലെങ്കിലും മുന്നോട്ട് പോകാൻ ജോലി അത്യാവശ്യം ആണെന്നും ശ്രുതി പറഞ്ഞു.
