ആലപ്പുഴ: ആലപ്പുഴ കളര്കോട് അപകടത്തിൽ കെഎസ്ആര്ടിസി ഡ്രൈവറെ പ്രതിയാക്കി എഫ്ഐആര്. പ്രാഥമിക വിവരങ്ങളുടെ അടിസ്ഥാനത്തിലാണ് ഡ്രൈവറെയും എഫ്ഐആറിൽ പ്രതി ചേർത്തത്. അലക്ഷ്യമായി വാഹനം ഓടിച്ചതിനാണ് കെഎസ്ആര്ടിസി ഡ്രൈവര്ക്കെതിരെ പൊലീസ് കേസെടുത്തിരിക്കുന്നത്.
ഇന്നലെയാണ് കേരളക്കര ആകെ ഞെട്ടിച്ച ദുരന്തമുണ്ടായത്. വിദ്യാര്ത്ഥികള് സഞ്ചരിച്ചിരുന്ന ടവേര കാര് കെഎസ്ആര്ടിസി ബസുമായി കൂട്ടിയിടിക്കുകയായിരുന്നു. കാറിന്റെ നിയന്ത്രണം തെറ്റിയാണ് എതിരെ വന്ന കെഎസ്ആർടിസി സൂപ്പർ ഫാസ്റ്റ് ബസിലേക്ക് ഇടിച്ചു കയറിയത്. പാലക്കാട് സ്വദേശി ശ്രീദേവ് വത്സൻ, മലപ്പുറം കോട്ടക്കൽ സ്വദേശി ദേവനന്ദൻ, കണ്ണൂർ സ്വദേശി മുഹമ്മദ് അബ്ദുൽ ജബ്ബാർ, ലക്ഷദ്വീപ് സ്വദേശി മുഹമ്മദ് ഇബ്രാഹിം, കോട്ടയം സ്വദേശി ആയുഷ് ഷാജി എന്നിവരാണ് അപകടത്തില് മരിച്ചത്. വിദ്യാർഥികൾ സിനിമയ്ക്ക് പോകും വഴിയാണ് അപകടം സംഭവിച്ചത്. കാറിൽ 11 പേരുണ്ടായിരുന്നു ഉണ്ടായിരുന്നത്.
അപകടത്തില് വിദ്യാര്ത്ഥികള് സഞ്ചരിച്ചിരുന്ന കാര് പൂര്ണമായും തകര്ന്നു. കനത്ത മഴയെ തുടര്ന്ന് കാഴ്ച മങ്ങിയതോ ബ്രേക്ക് കിട്ടാതിരുന്നതോ ആകാം അപകടത്തിനു കാരണമെന്നാണ് എംവിഡി ഉദ്യോഗസ്ഥരുടെ നിഗമനം. കാർ വെട്ടിപ്പൊളിച്ചാണ് വിദ്യാർത്ഥികളെ പുറത്ത് എടുത്തത്.
