തിരുവനന്തപുരം: ആറ്റിപ്ര ഗവ.ഐ.ടി.ഐയിലെ വിദ്യാർത്ഥികളും അദ്ധ്യാപകരും ഊർജ്ജ സംരക്ഷണവുമായി ബന്ധപ്പെട്ട് കേരള എനർജി മാനേജ്മെന്റ് സെന്റർ നടത്തിവരുന്ന ഊർജ്ജ സംരക്ഷണ പ്രവത്തനങ്ങൾ നേരിട്ട് കണ്ട് മനസിലാക്കുന്നതിനായി സംഘടിപ്പിക്കന്ന ക്യാമ്പസ് സന്ദർശന പദ്ധതിയായ ‘ഉണർവ്വ്’ സംഘടിപ്പിച്ചു.
ഇ.എം.സിയുടെ ഊർജ്ജ സംരക്ഷണ സന്ദേശ ഗാനത്തോടെ ആരംഭിച്ച പരിപാടിയിൽ ഇ. എം. സി ഊർജ്ജ സംരക്ഷണ വിഭാഗം തലവൻ ജോൺസൺ ഡാനിയേൽ ആമുഖപ്രഭാഷണം നടത്തി. എനർജി ടെക്നോളജിസ്റ്റ് അനൂപ് സുരേന്ദ്രൻ ഊർജ്ജ സംരക്ഷണ ക്ലാസ്സ് നയിച്ചു. ഐ.ടി.ഐ പ്രിൻസിപ്പാൾ സുഭാഷ്. സി. എസ്. ഊർജ്ജ സംരക്ഷണ ക്ലബ് കോഡിനേറ്ററും ട്രെയിനിംഗ് ഇൻസ്ട്രക്ടറുമായ കൃഷ്ണപ്രസാദ് കെ.ആർ എന്നിവർ സംസാരിച്ചു.ക്ലാസ്സിനും ചർച്ചകൾക്കും ശേഷം ഊർജ്ജ സംരക്ഷണത്തിന്റെ പ്രായോഗിക പരിചയത്തിനായി ഇ. എം.സി ലാബ് സന്ദർശിച്ചു. ലാബ് ടെക്നീഷ്യൻമാർ ഊർജ്ജ സംരക്ഷണ മാതൃകകളുടെ പ്രവർത്തനങ്ങൾ വിശദീകരിക്കുകയും ചെയ്തു. തുടർന്ന് ഇലക്ട്രിക് സൈക്കിൾ പ്രവർത്തനങ്ങൾ വിശദീകരിക്കുകയും വിദ്യാർത്ഥികൾക്ക് ഇലക്ട്രിക് സൈക്കിൾ സവാരിക്ക് അവസരം ഒരുക്കുകയുമുണ്ടായി.
ഊർജ്ജ സംരക്ഷണ പ്രവർത്തനങ്ങൾ പരസ്യപ്പെടുത്തൻ ഐ.ടി.ഐയ്ക്ക് ലഭിച്ച നോട്ടീസ് ബോർഡ് ഐ.ടി.ഐ ഊർജ്ജ സംരക്ഷണ ക്ലബ്ബ് ഭാരവാഹികളായ പ്രിയ. എസ്, ബിസ്മൽ ബാബു എന്നിവർ ഏറ്റുവാങ്ങി. ഇ. എം.സി. ലൈബ്രറി & ഇൻഫർമേഷൻ ഓഫീസർ സിന്ധു. എസ്.കുമാർ പരിപാടികൾ കോഡിനേറ്റ് ചെയ്തു.
