തിരുവനന്തപുരം: തിരുവനന്തപുരത്ത് 2 പേർ മുങ്ങി മരിച്ചു. ഉള്ളൂരാണ് സംഭവം. ഓട്ടോ ഡ്രൈവർമാരായ പാറോട്ടുകോണം സ്വദേശികളായ ജയൻ, പ്രകാശ് എന്നിവരാണ് മരിച്ചത്. ഇന്ന് ഉച്ചയ്ക്കാണ് അപകടം നടന്നത്.
ഉള്ളൂർ തുറുവിയ്ക്കൽ ക്ഷേത്രത്തിലാണ് അപകടമുണ്ടായത്. സുഹൃത്തുക്കളായ മൂന്നു പേർ ഒന്നിച്ച് ക്ഷേത്രക്കുളത്തിൽ കുളിക്കാനായി എത്തിയതായിരുന്നു. അപ്പോഴാണ് അപകടമുണ്ടായത്.ഇവർ മുങ്ങി താഴുന്നത് കണ്ട നാട്ടുകാരാണ് ആദ്യം രക്ഷാ പ്രവർത്തനം നടത്തിയത്. നാട്ടുകാർ ചേർന്ന് 3 പേരെയും പെട്ടെന്ന് തന്നെ കരയ്ക്കെത്തിച്ചിരുന്നു. എന്നാൽ അപ്പോഴേക്കും 2 പേർ മരിച്ചിരുന്നു. ഒരാളെ പരിക്കുകളോടെ രക്ഷപ്പെടുത്തി. പരുക്കേറ്റയാളെ തിരുവനന്തപുരം മെഡിക്കൽ കോളെജിലേക്ക് മാറ്റി.
ആഴം കൂടുതലായതിനാൽ ആളുകൾ ഇറങ്ങാതിരിക്കാൻ ചുറ്റുമതിലും ഗേറ്റും ഇട്ടിരുന്ന ക്ഷേത്ര കുളത്തിലാണ് ഇവർ ഇറങ്ങിയത്. മൃതദേഹങ്ങൾ മെഡിക്കൽ കോളെജ് മോർച്ചറിയിലേക്ക് മാറ്റി. സംഭവത്തിൽ മെഡിക്കൽ കോളേജ് പൊലീസ് കേസെടുത്തിട്ടുണ്ട്.
