പോത്തൻകോട്: കാപ്പ നിയമ പ്രകാരമുള്ള ഉത്തരവ് ലംഘിച്ച പ്രതി പിടിയിൽ. പള്ളിപ്പുറം പാച്ചിറ തളിയിൽ ക്ഷേത്രത്തിനു സമീപം തുപ്പട്ടിയിൽ വീട്ടിൽ എൻ . സുധീറിനെയാണ് (42) പൊലീസ് അറസ്റ്റു ചെയ്തത്.
മംഗലപുരം സ്റ്റേഷൻ റൗഡി പട്ടികയിൽപ്പെട്ട വ്യക്തിയാണ് സുധീർ. കഴിഞ്ഞ ജൂലൈ 5 ന് സുധീറിനെതിരെ റൂറൽ എസ്പിയുടെ റിപ്പോർട്ടിൽ തിരുവനന്തപുരം റെയിഞ്ച് ഡിഐജി കാപ്പ നിയമ പ്രകാരം ആറു മാസത്തേക്ക് സഞ്ചാര നിയന്ത്രണ ഉത്തരവ് ഇറക്കിയിരുന്നു.
എന്നാൽ ഇയാൾ ഇത് ലംഘിക്കുകയും തുടർന്ന് ഒക്ടോബർ 25 ന് ഇയാൾക്കെതിരെ കേസെടുക്കുകയും ചെയ്തിരുന്നു. വിവരം അറിഞ്ഞ സുധീർ തമിഴ്നാട്ടിലും മറ്റു സ്ഥലങ്ങളിലുമായി ഒളിവിൽ കഴിയുകയായിരുന്നു. തുടർന്ന് നടത്തിയ അന്വേഷണത്തിൽ മംഗലപുരം എസ്എച്ച്ഒ കെ. ഹേമന്ദ് കുമാറിൻ്റെ നിർദ്ദേശ പ്രകാരം പ്രിൻസിപ്പൽ എസ്ഐ എസ്.എസ് രാജീവും സി പി ഒ മനുവും ചേർന്ന് നെല്ലിമൂട് നിന്നു പ്രതിയെ കസ്റ്റഡിയിലെടുക്കുകയായിരുന്നു.
