എറണാകുളം:എറണാകുളത്ത് ആക്രിക്കടയിൽ വൻ തീപിടിത്തം. കൊച്ചി കാക്കനാട് കെന്നടിമുക്കിലാണ് സംഭവം. ഇന്ന് രാവിലെയാണ് തീ പിടുത്തമുണ്ടായത്. ഫയര്ഫോഴ്സെത്തി തീ അണയ്ക്കാൻ ശ്രമം തുടരുകയാണ്. മൂന്ന് ഫയര്ഫോഴ്സ് യൂണിറ്റ് സ്ഥലത്തെത്തി.
ആക്രിക്കടയിലെ തീ വലിയ രീതിയിൽ ആളിപടരുകയാണ്. പൊട്ടിത്തെറിയോട് കൂടിയാണ് തീപിടിത്തം ഉണ്ടായത്. പ്രദേശത്താകെ വലിയരീതിയിൽ പുക ഉയരുകയാണ്. എന്താണ് തീപിടിത്തത്തിന് കാരണമെന്ന് വ്യക്തമല്ല. ജനവാസമേഖലയിലുള്ള ആക്രിക്കടയിലാണ് വൻ തീപിടിത്തുമുണ്ടായത്. ഇരുമ്പ്, ഇലക്ട്രോണിക്, പേപ്പര് അടക്കമുള്ള ആക്രി വസ്തുക്കള് ഗോഡൗണില് ഉണ്ടായിരുന്നുവെന്ന് പ്രദേശവാസികള് പറയുന്നു.
