തിരുവനന്തപുരം: തിരുവനന്തപുരം ബാലരാമപുരത്ത് രണ്ടുവയസുകാരിയുടെ മരണം കൊലപാതകം ആണെന്ന് തെളിഞ്ഞു. കുട്ടിയുടെ അമ്മാവൻ ഹരികുമാറാണ് കൃത്യം നടത്തിയത്. കുട്ടിയുടെ അമ്മാവൻ കുറ്റം സമ്മതിച്ചു.
ഹരികുമാറിന് കുട്ടിയുടെ അമ്മ ശ്രീതുവിന്റെ സഹായം കിട്ടിയതായും പൊലീസ് സംശയിക്കുന്നുണ്ട്. പ്രതിയെ പൊലീസ് കൂടുതൽ ചോദ്യം ചെയ്തുവരുകയാണ്. കൂടുതൽ ചോദ്യം ചെയ്യലിൽ നിന്നെ മറ്റു കാര്യങ്ങൾ വ്യക്തമാകുവെന്ന് പോലീസ് അറിയിച്ചു. ശ്രീതു- ശ്രീജിത്ത് ദമ്പതികളുടെ മകൾ ദേവേന്ദുവിനെ രാവിലെ വീട്ടിലെ കിണറ്റിൽ മരിച്ച നിലയിൽ കണ്ടെത്തിയത്.
ഇന്ന് രാവിലെയാണ് കുഞ്ഞിനെ കാണില്ലെന്ന് പറഞ്ഞ് കുടുംബം പോലീസിൽ പരാതി നൽകിയത്. തുടർന്ന് പോലീസും ഫയർഫോഴ്‌സും നടത്തിയ പരിശോധനയിലാണ് വീട്ടിലെ കിണറ്റിൽ കുഞ്ഞിനെ മരിച്ച നിലയിൽ കണ്ടെത്തിയത്.
