തിരുവനന്തപുരം: ഇസ്രയേല്– ജോര്ദാന് അതിര്ത്തിയില് വച്ച് ജോർദാൻ സുരക്ഷാസൈന്യത്തിന്റെ വെടിയേറ്റ് മരിച്ച തിരുവനന്തപുരം തുമ്പ സ്വദേശി തോമസ് ഗബ്രിയേല് പെരേരയുടെ മൃതദേഹം നാട്ടിലെത്തിക്കാൻ ഇടപെട്ട് വി മുരളീധരൻ. കേന്ദ്ര വിദേശകാര്യ മന്ത്രി ഡോ.എസ്.ജയശങ്കറിനോട് അദ്ദേഹം സംസാരിച്ചു.
നടപടിക്രമങ്ങൾ വേഗത്തിലാക്കാൻ ഡോ.എസ്.ജയശങ്കറിനോട് വി.മുരളീധരൻ അഭ്യർത്ഥിച്ചു. തോമസ് ഗബ്രിയേല് പെരേരയുടെ വീട് സന്ദർശിച്ചതിനു പിന്നാലെയാണ് വി.മുരളീധരൻ അദ്ദേഹത്തിനോട് സംസാരിച്ചത്.തുമ്പ ഇടവക വികാരി ഫാദർ ഷാജൻ ജോസുമായും മുൻ കേന്ദ്രമന്ത്രി കൂടിക്കാഴ്ച നടത്തി.
