ബെംഗളൂരു: ക്ഷേത്രത്തിൽ മതിൽ തകർന്നുവീണ് എട്ട് പേർ മരിച്ചു. വിശാഖപട്ടണത്തിന് അടുത്ത് സിംഹചലം ലക്ഷ്മി നരസിംഹ സ്വാമി ക്ഷേത്രത്തിലെ മതിലാണ് തകർന്നത്. ബുധനാഴ്ച പുലർച്ചെ അപകടം നടന്നത്. ക്യൂ ലൈനിനോട് ചേർന്നുള്ള മതിൽ ഭക്തരുടെ മേലേക്ക് മറിയുകയായിരുന്നു.
നാല് പേര്ക്ക് ഗുരുതരമായി പരുക്കേറ്റു. മരിച്ചവരില് അഞ്ചുപേര് സ്ത്രീകളാണ്. ക്ഷേത്രത്തിൽ ചന്ദനോത്സവം എന്ന പ്രധാനപ്പെട്ട ഉത്സവം നടക്കുകയായിരുന്നു. തകർന്ന് വീണതിനെ തുടർന്ന് ആളുകൾ പരിഭ്രാന്തിയോടെ ചിതറി ഓടിയതും ദുരന്തത്തിന്റെ വ്യാപ്തി കൂട്ടിയെന്ന് രക്ഷാപ്രവർത്തകർ പറയുന്നു. മാത്രമല്ല പ്രദേശത്ത് രാത്രി ശക്തമായ മഴ പെയ്തിരുന്നു. ഇതാവാംഅപകടത്തിന് കാരണമെന്നാണ് വിവരം.
