ചെന്നൈ: സ്കൂൾ വാൻ ട്രെയിനിൽ ഇടിച്ച് അഞ്ചു വിദ്യാർത്ഥികൾക്ക് ദാരുണാന്ത്യം. തമിഴ്നാട് കടലൂരിലാണ് സംഭവം നടന്നത്. നിരവധി കുട്ടികൾക്ക് പരുക്കേറ്റു. ആളില്ലാ ലെവൽ ക്രോസ് കടക്കാൻ ശ്രമിക്കുന്നതിനിടെയാണ് സ്കൂൾ വാനിൽ ട്രെയിൻ ഇടിച്ചത്.
ബസ് പൂർണമായി തകർന്നു. കടലൂര് ചെമ്മംകുപ്പത്താണ് അപകടമുണ്ടായത്. ഇന്ന് രാവിലെയോടെയാണ് അപകടം ഉണ്ടായത്. പരിക്കേറ്റ വിദ്യാർഥികളെ ചികിത്സയ്ക്കായി കടലൂർ സർക്കാർ ആശുപത്രിയിൽ പ്രവേശിപ്പിച്ചു.
തിരുച്ചെന്തൂർ-ചെന്നൈ എക്സ്പ്രസ് ട്രെയിൻ ഇടിച്ചാണ് അപകടമുണ്ടായത്. റെയിൽവേ ഗേറ്റ് കീപ്പറുടെ അനാസ്ഥയിലാണ് അപകടം ഉണ്ടായത്. ഗേറ്റ് അടക്കാതെ തുറന്നിട്ടിരിക്കുകയായിരുന്നു. 50 മീറ്ററോളം ട്രെയിൻ ബസിനെ ഇടിച്ച് കൊണ്ട് പോയെന്നാണ് വിവരം. അപകടത്തിൽ റെയിൽവേയും പൊലീസും അന്വേഷണം ആരംഭിച്ചിട്ടുണ്ട്.
